政情：今日你上鏡：林煥光夫婦口罩Look搭港鐵

唔少名人、藝人出街都會戴太陽眼鏡、口罩、鴨嘴帽，以防被人認得，但日前我哋就見到行政會議召集人林煥光同太太搭港鐵都戴晒口罩，莫非佢哋都怕被人認得，要保持低調？林煥光就話，佢經常都搭港鐵，戴口罩唔係怕被人認得，只係佢已經係老人家，萬一受感染病咗會好麻煩，所以咪戴定口罩做預防囉！其實當日林煥光夫婦正搭地鐵去出席一個私人聚會，林太手執一紮鮮花，可能林煥光驚太太企唔穩，一直扶住太太手臂，認真體貼。