政情：今日你上鏡：波哥新髮型清爽年輕咗

立法會保險界議員陳健波（波哥）早前自動當選，為咗迎接新一屆議會，整番個新形象，所以佢剪番個新髮型，將兩邊頭髮剷高，話參考吓年輕人，展現清爽一面喎。波哥又話平時着開西裝，早排只着恤衫就去食飯，嗰間食肆嘅老闆娘仲話自從佢做咗立法會財務委員會主席後，多咗人識佢，老闆娘亦同佢講「加油，支持你」，令佢感到好窩心！