政情：八網難逃：受助人送「殼」廖成利窩心

唔少律師都肯做義務律師幫助有需要嘅人，民協前主席廖成利（老虎仔）都係其中之一，事後仲有意外收穫添！老虎仔早前喺facebook上載一張相，話有人送手機殼畀佢，特別之處係手機殼印上老虎仔年輕時嘅卡通設計。老虎仔話送畀佢嗰個人，係佢三年前曾做義務律師嘅受助人，受助人當時喺醫院，佢就以法律知識協助，最終幫助佢渡過難關，依家對方送個手機殼畀佢，令佢好開心。