保險只保障不違規行為
「過去有唔少類似嘅案例，但要搜證邊個去鎖住或長開啲防煙門，絕唔容易。」執業大律師陸偉雄表示，一旦市民遇上意外時，因防煙門被鎖上而延誤救援，或防煙門長開而令火勢加劇，可循民事向有關人士索償，「市民在意外中，有任何損失都有權去追討，但就要清晰知道邊個先係鎖上防煙門嘅人，否則好難索償。」
國際專業保險諮詢協會會長羅少雄表示，保險只保障合法及不違規行為，「人為或蓄意行為都會影響到賠償，單係搜證已需要大量時間，因為原本保障嘅項目已經唔能夠正常運作，有關人士無履行到責任，所以唔容易向保險公司索償。」他指，過往亦有多宗相類案例，在索償過程中遇到不少困難。