政情：公民講場：哮喘豬事故劉利群冇問責

哮喘豬流入市面調查結果出爐，食物及衞生局局長高永文和食環署署長劉利群在證據確鑿下雙雙跪低認錯，又向被「點錯相」受影響嘅零售商作出補償，發放一筆過特惠金。不過，認錯還認錯，一講到問責上身，兩個人就隻字不提。呢幾年冇靈魂嘅無能政府每次出事都扮無嘢博過骨，上次公屋鉛水事件已經無官員問責，既然今次食衞局承認「責任出喺政府度」，咁至少直接管理活豬嘅食環署署長劉利群應該要負起責任，給予公眾一個交代。