中環出更：漢奸亂港 25人怒打「黎狗」
市民無懼打風，誓要聲討壹傳媒黎智英（漢奸黎）嘅惡行。廿五名自稱自發參與嘅人士，尋日上、下午兩次踩上漢奸黎位於何文田嘅寓所外，拉起寫有「黑金亂港 黎狗無恥」、「天譴漢奸黎」等橫額示威，怒斥漢奸黎係「千古罪人」，更棒打貼有漢奸黎卡通頭像嘅吹氣狗公仔洩憤。
早午踩上黎宅外示威
天文台尋日早上十一時三十分發出一號戒備信號，相隔十分鐘後，二十五名示威者抵達漢奸黎寓所外，即場拉起寫有「黑金亂港 黎狗無恥」、「天譴漢奸黎」及「千古罪人黎智英」等橫額抗議，又將畫有漢奸黎卡通頭像同美國國旗嘅海報貼喺大門鐵閘上，之後將海報撕毀放地狂踩，又大叫「黑金亂港」同「漢奸黎智英」口號。
該批示威者下午約二時十五分折返，更拖着一隻貼有漢奸黎卡通頭像嘅吹氣狗公仔到場，隨後把吹氣狗公仔綁喺燈柱並用膠棒敲打，大叫「大漢奸黎智英」口號，示威者逗留二十分鐘後散去。
近期針對漢奸黎嘅抗議行動浪接浪，包括尋日行動在內，自六月十日起計，到其寓所及將軍澳壹傳媒大樓外抗議嘅次數最少達四十次，當中有自稱霸王國際集團員工及苦主佔十次、正義聯盟佔三次，包括旅遊業界同其他人士則有二十七次。
卓妮