消委會早前抽查市面上四十款豉油、醬油同鮮露，發現當中有十一款樣本，含有微量「或可致癌物質」4-甲基咪唑，喺動物測試上，長期過量食用會致癌，由於香港法例上冇要求，所以產品毋須就4-甲基咪唑作出警告字句，建議食環署轄下嘅食安中心參考其他地區嘅做法，研究為消費者提供更多資料。豉油係每個家庭必備之物，竟然冇法例監管，擺明係食環署漏招，唔少市民即時炮轟政府監管不足，「出事先補救」，署長劉利群孭晒鑊喇！
