中環出更：廿人冒雨 棒打「漢奸黎」洩憤

大罵「禍國殃民正瘟神」

約廿名示威者尋日下晝約兩點抵達漢奸黎寓所外，即場展示一張寫有「禍國殃民正瘟神　賣國亂港漢奸黨」字句嘅橫額，亦帶備寫上「港產漢奸肥佬黎！」、「全民公敵　黑金亂港」、「抵制壹傳媒　港獨害香港」、「賣國賣港漢奸黨！」嘅紙牌抗議，又高呼「打倒黎智英」、「漢奸黎智英」等口號，其後更將貼有漢奸黎卡通肖像嘅不倒翁公仔放喺地上，不停用棍拍打，以示不滿。

近期針對漢奸黎嘅抗議行動不絕，包括尋日嘅行動在內，自六月十日起計，到其寓所及將軍澳壹傳媒大樓外抗議嘅次數最少達卅七次，當中有自稱霸王國際集團員工及苦主佔十次、正義聯盟佔三次，包括旅遊業界同其他人士則有廿四次。

卓妮