寨卡病毒肆虐，去完巴西里約奧運活動返港嘅民政事務局局長劉江華，雖然佢周一抵港時曾經透露喺巴西期間並冇畀蚊叮，返港後亦冇任何病徵，但佢行事相當小心，都照去醫管局為巴西返港、出現寨卡病毒病徵人士而設嘅指定診所接受檢查，經醫生評估後，認為劉江華毋須抽血檢驗寨卡病毒。不過，隨住暑假快將結束同奧運閉幕，將會有不少外遊市民返港，睇嚟政府要做好把關預防寨卡確有難度，市民都要學劉江華咁穩陣先得喇！
