政情：候任美駐港澳領事 廣東話問好

能稱香港為家感興奮

該段短片全長一分三十九秒，唐偉康於短片中絕大部分時間以英文發言，佢首先說出自己與香港嘅淵源，透露自己、太太Mika及子女過去曾多次來港，形容如今有機會把Fragrant Harbour（芳香的海港）稱為自己嘅家，對此感到興奮。

唐偉康其後談及對香港嘅印象，指香港係個非常特別嘅地方，以世界主要貿易城市聞名，而且係重要金融、文化中心，而佢本身喺小鎮長大，家鄉係山脈連綿嘅麻省西部，一直熱愛體育及戶外活動，喺學生時代，命運將佢帶到東亞，此後嘅外交生涯幾乎全都喺亞洲度過，包括擔任美國駐亞太經濟合作組織大使。

佢承諾，上任後嘅首要目標係繼續鞏固港澳與美國人民之間嘅關係，又期待在港認識新朋友，預告好快與各位會面，最後以廣東話說出「香港見」三個字作結。