中環出更：一日三示威 漢奸黎被轟「賣港瘟神」
反壹傳媒黎智英（漢奸黎）行動一浪接一浪，全日有三場針對漢奸黎嘅示威，其中反黑金關注組約廿人尋日下午到灣仔選舉管理委員會總部示威，不滿一批泛民主派立法會選舉候選人於數年前涉收壹傳媒黎智英秘密捐款，強烈要求選管會把關，取消所有捲入「黑金政治」人士嘅候選人資格。
促取消收捐款候選人資格
另有兩批示威者分別自發到漢奸黎位於何文田嘅寓所外示威宣洩不滿，其中廿多名示威者於約早上十點抵達漢奸黎寓所外高叫口號，展示「亂作新聞呃市民，賣國賣港正瘟神」嘅橫額，又帶備咗多張寫上「依法懲處漢奸」、「黑金肥黎賣國禍港」等紙牌到場抗議，表達支持政府依法嚴懲不良分子嘅聲音；逾四十人則於下午帶同橫額同紙牌到漢奸黎寓所外示威，指斥漢奸黎為「黑金黑心黎智英，賣國賣港賣國賊」。
資料顯示，自今年六月十日開始，到漢奸黎及將軍澳壹傳媒大樓外抗議數目至少有三十六次，除咗自稱霸王國際集團員工及苦主，亦都有正義聯盟及旅遊業界等人士，睇嚟漢奸黎真係咩行業都有仇家喎！
卓妮