政情：「禮儀基金」籌旗區議員杯葛

每人四百元 已實施多屆

沙田區議會向議員發信，指財務及常務委員會轄下的公共關係及宣傳推廣工作小組，希望向每名議員收取四百元「禮儀基金」，未來會以區議會名義，向結婚議員或榮休政府官員送禮、輓議員或其直系親屬嘅花牌、以及製作地區節慶花牌。身兼工作小組召集人嘅議員梁家輝表示，「禮儀基金」實施多屆，一直行之有效，工作小組運用基金之後，會喺區議會上報告，確保用得其所。

要交錢嘅陳國強怒斥基金無聊，認為要表達心意可以用個人身份，毋須強迫，質疑區議會花費時間討論基金，不如討論更多對民生有利嘅政策，大鬧區議會已變成議員「圍威喂」嘅遊樂場，他表明杯葛基金，又指多名年輕議員有同一想法。不過，有同區區議員認為，紅白二事送禮係禮節性傳統，而且四百元又不是多，質疑陳國強上綱上線，唔知有咩意圖。