颱風「妮妲」吹襲香港，加上遇上天文大潮，有指其威力較○八年襲港嘅颱風「黑格比」更勁，面對「妮妲」來勢洶洶，由署長唐嘉鴻領導嘅渠務署昨午派員巡查各區水浸黑點，並清理溝渠垃圾，又事先張揚若然出現海水倒灌，會向六個容易受海水倒灌影響嘅沿岸低窪地區的居民發出預警，包括大澳、鯉魚門海傍道等。其實颱風帶來嘅暴雨造成水浸在所難免，治標又治本方法係喺風季雨季來臨前未雨綢繆，如果有人以為依家臨急抱佛腳可以解決問題，就真係太天真了！
