散落全港嘅危險招牌隨處可見，遇上打風落大雨之時就會險象環生，政府大約喺七年前曾額外撥款提供資源畀屋宇署，冀一年內可以清拆五千個招牌，不過講就天下無敵，發展局局長陳茂波尋日發表最新網誌稱，屋宇署過去兩年已向逾六百個違例招牌發出清拆令，截至今年六月為止，有近二百個被拆除，聲言正努力逐步糾正長期以來習非成是嘅現象。陳茂波喺網誌講到自我感覺良好，之不過屋宇署署長許少偉作為部門首長，對於呢份清拆違例招牌嘅成績表，似乎喺風季雨季都係有得震無得瞓嘞！
