政情：八網難逃：康署字都串錯盡喪政助英名

徐英偉嘅英文名係Caspar，佢尋日帶同兩個囝囝到科學館參觀專題展覽，順道宣傳今日開始，康文署轄下博物館指定常設展覽將會免費開放，以及只要購買博物館通行證，就可以毋須排隊。但佢同時上載相片至facebook，透露職員將佢嘅英文名串錯為「CARPAR」，令佢哭笑不得，佢自嘲「兩個衰仔已經叫我carpark啦」！

佢上載呢張相又講咗一件康文署嘅烏龍事，睇嚟都只係希望博大家一笑置之！佢回覆我哋時話七月中旬已經續證，並喺當日取回，直至尋日到科學館參觀專題展覽時，攞通行證出嚟一睇，先發現串錯字。佢解釋，應該係當日囝囝幫佢填表時，寫得核突，所以職員都寫錯咗。