手機遊戲《Pokémon Go》熱爆全城，唔少人為咗見小精靈一面，又撒花又通街跑。不過，教育工作者聯會就擔心學生沉迷捉小精靈，要求教育局局長吳克儉同遊戲開發商聯絡，唔好喺學校範圍放置精靈，以免影響學習，仲得到教育局應承會反映意見。其實學生帶手機返學，就算唔去捉精靈，都有其他遊戲玩；就算唔打機，都會用嚟上網，除非學校唔准學生帶手機返學，否則教育局今次趕咗小精靈出校，下次係咪又要禁其他遊戲或者程式？呢個做法絕對係斬腳趾避沙蟲！
