申訴專員公署今個月發表咗報告，指房屋署同食物環境衞生署長期穩佔最多市民投訴部門嘅第一同第二位，可以話係毫無改善、不思進取。申訴專員劉燕卿尋日接受電台訪問時，就炮轟政府部門「各自為政、互相卸責」，搞到啲問題長年累月困擾市民、揮之不去。佢又質疑，有部分問題明明幾個部門都有能力處理，但就聲稱自己冇充分權力去做、又推說資源有限等等，之後就置身事外，搞到啲問題惡化。政府部門最鍾意就係將市民當個波咁踢嚟踢去，唔出事都唔知驚做嘢，認真抵鬧！
