中環出更：中式「新裝」創潮流

Janko經過多年嘅摸索，兩年前先決定要行一條與眾不同嘅路線，成功建立自家中式時裝品牌。不過，香港地租金昂貴，Janko初時只能夠擺流動街檔，後來進駐支持本地設計品牌嘅元創坊，先至有番一個固定居所。

娛藝院線董事總經理黃嗣輝（Ivan）就話，雖然香港嘅戲院數量由九十年代高峰期至今減少一半，但近年已趨於穩定，入場人數及票房收入都持續增長，證明戲院仍然有得做。Ivan話，近年佢哋跟上科技發展潮流，開發用手機應用程式（App）買戲飛、小食及電影周邊產品，又建立電子化會員管理系統，成功令入戲院睇戲變成潮人潮事。

馬子晴選美學品牌管理
同場仲有總會會長蔡漢成、理事繆家濤及當選過「香港珠寶小姐」及「香港工展小姐」嘅靚女設計師馬子晴（Liz），佢亦係創會理事。Liz話，參加選美可以學到好多嘢，例如設計及品牌管理等知識。佢話，現時年輕人有創意但欠缺平台及機會，所以總會未來會贊助學生到各地參加設計比賽，為培育香港文創人才盡一分力。

卓妮

蔡漢成（右）頒獎畀林春菊（左）以鼓勵復興日漸失傳嘅民間衣藝。（葉華英攝）

黃嗣輝（右）成功令入戲院成為一件潮事。左為繆家濤。