政情：公民講場：普查帶「炸彈」 統計處靠害

政府統計處上月底展開全港中期人口統計，統計員會上門要求住戶用平板電腦填寫電子問卷，為避免平板電腦無電，統計處就向統計員派發俗稱「尿袋」嘅外置充電器。點知，早前有尿袋發生爆炸，統計處要急急回收五千個尿袋。統計處首先自保，話呢啲尿袋符合政府訂定嘅安全規定要求，但係處方有冇同班統計員講正確嘅使用方法或過熱會有危險性呢？更加重要嘅係，五千個統計員帶住尿袋隨街走，又會上樓訪問，就好似「流動炸彈」搵上門咁，威脅市民生命安全，呢啲意外，一宗都嫌多，統計處處長鄧偉江今次孭晒鑊喇！