綠色先鋒：惜衣減買

「以前只有春夏、秋冬兩季嘅衫，係一個傳統嘅時裝循環，但依家一年就有五十二批衫，係有病態。」熱愛時裝的Kay Wong（黃琪）指，過去兩年觀看了不少有關快速時裝背後的紀錄片，潮流更迭、大量生產、物質主義等，令時裝更便宜、更快丟棄，但時裝及紡織業卻為地球帶來極大污染，「呢啲咁平咁快嘅時裝，城市人覺得平就係咁買，買完又掉，係一個好弊嘅惡性循環。」

Kay於其網誌發起「一年不買新衫」行動，更結束個人工作室及時裝店。她坦言，這構思與時裝設計師的角色存在衝突，但重新過簡約生活，可令她認真檢視生活的需求，「一年唔買（衫）可能對某啲人嚟講有啲難，但可以先試吓一、兩個月不買，拒絕入購物商場。」

簡約生活 倡「斷捨離」

「我覺得係時候需要停低，希望大家都有一個反思。」近年興起極簡主義生活模式，日本「斷、捨、離」概念，倡回歸「少即是有」為基礎，只滿足基本生理需求，她提到，在物質豐富的年代，加上快速時裝，一般人都有足夠衣服替換，惟不少女生擁有過多，「佢哋成日覺得冇衫着，可能係因為佢哋根本見唔到自己啲衫放喺邊，重點係你需要重新整理至適當分量。有啲衫五年、十年冇着過，不如捐畀慈善機構。」

Kay重新過簡約生活，實踐「一年不買新衫」。	時裝及紡織業的染料為地球帶來極大污染。（綠色和平提供）	廉價快速時裝令不少女生瘋狂購物。

現於丹麥哥本哈根深造的Kay表示，曾接觸過有人研究到可用菠蘿葉加工成菠蘿皮，以代替皮革，引起她用環保物料設計不同產品的念頭，「我希望用一啲別人視為垃圾嘅嘢去做產品，香港人可能會覺得綠色時裝、 環保，會有『娘』嘅感覺，但加以包裝，其實都可以好型。」

圖：朱偉坤

文：周詠欣