陳章明出任平等機會委員會主席之前，曾經從事安老研究工作，而佢亦都曾經講過會喺任內推動唔同嘅歧視條例。佢尋日話原來涉及好似年齡歧視呢類嘅新範疇工作，係需要法例賦予權力先做到，又承認平機會根本冇牙力，因為只有政府先有立法權力，仲話會要求政府嚴肅處理喎。其實平機會係冇牙老虎呢樣嘢，陳章明唔係第一日先知呀，佢上任超過三個月嘞，依家先如夢初醒？
