政情：葉建源散場前提草案得啖笑

本屆立法會大會尋日午夜結束，教育界立法會議員葉建源就喺尋日發表《2016年香港大學（修訂）條例草案》諮詢稿，希望下屆嘅教育界立法會議員可以喺立法會上提出私人條例草案。葉建源一係未卜先知，以為自己下一屆可連任；一係就太睇得起自己，竟然教下屆議員點做嘢？

呢份草案主張廢除校監喺大學嘅實質權力，改為只擔任名義首長或禮儀性質嘅角色。同時修改校務委員會嘅組成，參考外國大學嘅做法，由畢業生議會選出三名委員加入，以強化校友同學校之間嘅關係。

葉建源話，現時只同港大職工會組織、學生會及校友關注組就草案作交流，未來將繼續作諮詢，向唔同政黨及政府官員游說。佢又話，即使自己未能連任，亦希望有泛民議員可以喺立會提出，但佢認為能成功提出嘅機會不大喎！