特首梁振英尋日出席今屆立法會最後一次答問會，泛民同建制派議員都圍插佢，尤其係佢涉嫌收取澳洲公司UGL五千萬元嘅事件。工黨張超雄都有份鬧佢，但竟然講錯咗「UGC」，雖然佢即刻糾正係UGL，但梁振英梗係借機反駁，話張超雄連間公司嘅名都講錯，說明佢對呢件事嘅認識不足。本來插人，依家畀人插番轉頭，呢次張超雄點至甩轆，直情（火羅）爆喇！
