中環出更：25人上門斥漢奸黎「無恥大魔頭」
繼早前有多批人士先後踩到壹傳媒黎智英（漢奸黎）寓所同壹傳媒大樓外抗議後，尋日朝早同下晝再有約二十五人到場示威，佢哋手持寫有「無恥黑報導還我血汗錢」等橫額同標語，到漢奸黎嘅寓所外抗議，直斥漢奸黎係「無恥大魔頭」。
尋日下晝約四點半左右，約二十五名男女抵達漢奸黎位於何文田嘅寓所外，示威者手持「無恥黑報導還我血汗錢」、「還我血汗錢」同「支持霸王公司、還我股民利益」等橫額同標語，高喊「黑金禍港黎智英」同「千古罪人黎智英」。
泥投腳踏黎畫像
示威者之後又用泥膠掟向漢奸黎嘅畫像，又將畫像放喺地下踐踏，逗留約十分鐘後離開。
連同尋日兩次嘅抗議行動在內，自上月十日起計，到漢奸黎寓所同將軍澳壹傳媒大樓外抗議嘅次數最少十七次，當中自稱霸王國際集團員工同苦主佔九次、正義聯盟佔三次，包括旅遊業界同其他人士則有五次。
卓妮