騙姊妹花360萬已婚賤男落網
玩交友App遇騙棍，九十後姊妹花上月被騙三百六十萬港元案，警方拘捕扮富二代的已婚情騙等四人，起回二百萬元贓物。累家人痛失置業款項的妹妹阿姍，雖覺安慰，但更多的是對這段被騙財騙色的情緣痛心疾首、悔不當初，她昨日真情剖白慘痛經歷，首次透露曾兩度起疑，但都被「氹番轉頭」，以致「問到（錢）、攞錢畀佢變得麻木晒」。如今她失去了工作、破壞了家庭關係、對愛情失去了信心，更因為案發後對「男友」一無所知遭警方懷疑，在重重打擊下情緒跌入谷底，她痛斥騙徒：「呃人都唔使咁盡嘛？都有底線o架，唔好咁離譜吖！」
起贓值200萬 妻母及友亦被捕
案件揭發於上月中旬，落馬洲一個居住鐵皮屋的五口之家，儲下四百六十萬港元買價值八百多萬元的新樓，先落訂一百萬港元購置物業，惟廿四歲次女阿姍透過手機交友程式，邂逅自稱有家底的男網友，對方訛稱可協助投資賺錢，氹阿姍說服管帳的胞姊，於四月及五月多次把合共三百六十萬港元交予對方投資，結果騙徒挾款失蹤。警方前日在旺角拘捕主謀、自稱Thomas的姓朱（卅五歲）男子，以及其姓伍（廿八歲）妻子，二人均報無業，朱有詐騙案底，朱的姓鍾（六十一歲）母親及姓張（卅五歲）男友人亦被捕，檢獲名車、名牌貨和現金共二百萬港元。
自稱拍過幾次拖的廿四歲妹妹阿姍，得知警方破案騙棍落網，表示感到安慰。但她現時仍在悔恨和痛苦折磨「真係好後悔……」她首度披露遇騙過程，今年三月她透過交友App認識Thomas，對方自稱是設計師，家境富裕，加上又隔日約會她及「買定消夜揸車接放工」，所以被他吸引及拍拖。對方亦很快建議替她投資基金及股票，阿姍向Thomas稱︰「啲錢搵得好辛苦，萬一啲錢無咗，咁好大打擊，我驚我無咗個阿媽，因為佢有輕微中風同高血壓。」
選擇偏遠及無天眼地方交收
阿姍透露，四至五月期間，她多次提款予對方，期間曾兩次打退堂鼓，向對方稱：「你係呃我嘅一係你就走啦！真係唔好再出現」，惟均被對方「氹番轉頭」，「佢講到好急嘅，我今日同你講，就話聽日要有某個數目，根本無時間考慮」，而且他每次都選擇偏遠又無閉路電視的地方交收，更不會下車。她只記得對方駕一輛私家車，又稱無facebook，所以案發後提供不到有用資料給警方，遭警方的懷疑以致「好大打擊」。
「除咗感情之外，佢處事手法都好周密，佢會叫我同會破壞呢件事嘅人疏遠」「好似我之前份工，有一班好close嘅同事，就係佢哋介紹我玩呢個App，所以都會同佢哋講番個進展，Thomas都知嘅，就叫我唔好做份工，介紹另一份畀我叫我辭職，又話同我去旅行。阿珊不敵對方甜言蜜語竟然辭職，詎料對方自此「消失」，當她得知Thomas已婚時，更是恨之入骨。
覺得害晒全家 阿姍曾想自殺
阿姍又透露，被騙「屋企買樓錢」後已經撻訂，家人亦十分激動及心生嫌隙。「父母好慳，唔會出街食飯，未去過旅行，啲錢係儲返嚟」「我覺得自己害晒全家」。她又指，其胞弟本已寡言，事後更拒聽她電話，「我都唔敢面對我屋企人」，她坦言，事後在重重壓力下有過輕生念頭，「我有諗過自殺呀，或者自殘，但我盡量唔表露畀人知，放假就成日飲酒麻醉自己。」她又稱：「事後發現個App唔係一、兩個人咁做，有一大班人用咁嘅方法（騙財），好似用太空卡呀、話自己揸車好有錢呀，講到以前對女朋友好好，覺得唔係個人犯案，係集團式咁」，故日後不會再玩。她呼籲「上網識朋友嘅女仔」要引以為鑑，因網上「唔止一個咁嘅人」，帶來的後果可以「好嚴重」。