呢屆立法會嘅任期即將屆滿，又係埋單計數嘅時候。喺過去四年，由於拉布不斷、人數不足導致流會嘅情況已經見怪不怪。據統計，拉布大戰至少耗用一百小時嘅議事時間，更浪費一千八百萬元公帑，令立法會完全失去議事功能，爛到變成「垃圾會」。不過，拉布議員似乎唔在乎公眾對拉布有幾厭惡，依然故我，一班因為拉布而遲加人工嘅公務員、遲出生果金雙糧嘅公公婆婆真係多得佢哋唔少喇！
