中環出更：歷盡離合 大舊告別31年議員生涯
下屆立法會將有多名資深議員退下火線，當中包括六十一歲的立法會議員陳偉業（大舊）。八五年開始擔任區域市政局民選議員的大舊，一九九○年「升呢」立法局議員，回歸前更曾是三料議員，即將結束三十一年議員生涯。大舊由創立香港民主同盟到成為民主黨成員，再退黨加入社民連，到最後成立人民力量，可以說是歷盡離離合合。
大舊自比希臘神話中的西西弗斯，不斷推石頭上山，之後石頭滾落山，他又再推過石頭上山，認為團結並非必然，民主發展多元化亦並非壞事。
三十一年議員生涯，大舊曾與不少官員打交道，而他最欣賞的是前規劃環境地政局局長蕭炯柱︰「咁多年來合作得最愉快嘅就係蕭炯柱，只要係能力範圍內，佢都會切合你嘅要求，唔理你咩背景，可以包容唔同意見，係可以有建設性嘅溝通。」他直言如果個個官員好似蕭炯柱一樣，香港會少好多矛盾。
退休享天倫 捨不得街坊
大舊批評，回歸之後政府管治團隊質素愈來愈差，道德低落，對市民負責方面更叫人失望，其中前政務司司長林瑞麟更是他認為最差的官員︰「去內地探熊貓都唔去探喺內地被捕嘅港人，話係對內地官員不敬，對內地卑躬屈膝，簡直令人鄙視！」想不到大舊臨退休依然好好火喎！
大舊向來火爆，但其實都有鐵漢柔情的一面，就是面對街坊的時候。他直言撇下議員身份，最不捨是一班街坊。由協助街坊解決房屋、醫療、法律問題，到家庭糾紛、學生哥升中搵學校，大小事務大舊都落手落腳幫忙，強調自己並非使用議員特權，只是熟悉機制。問到卸任後有乜退休大計，大舊就話想同太太去加拿大睇北極光，因為他已經想睇好耐，仲已經做了資料搜集添。卓妮祝他願望成真，退休生活愉快！
卓妮