梁家騮（怪醫）做咗八年立法會醫學界議員，一直冇乜開會，自己出去搵真銀多過理會議會事務，係其中一個懶蟲議員。點知佢為咗反對醫委會改革嘅條例草案，上星期開始坐喺議事堂，隔幾十分鐘就點人數，跟住仲企喺會議廳門口，唔肯入去，最終導致流會。花咗九年時間先完成醫務聆訊程序嘅醫療事故嘅投訴人、歌星張祟德，尋日就喺論壇上狠批怪醫，話佢搞到立法會流會，嘥晒議會時間。對於怪醫嚟講，拉倒醫委會改革條例草案，係咪就可以一抵八年冇乜做嘢之過？
