女藝術家塗出名堂
【本報訊】塗鴉都是一種藝術品！「夜麻麻」於街上塗鴉，一般都被社會歸類為壞分子。不過，香港塗鴉藝術家Caratoes卻因此於國際打響名堂。過去一年踏足廿八個國家，於逾三十幅牆塗鴉，更曾接受英國BBC訪問。三年前，Caratoes不安於現狀，放棄穩定工作及收入，最終憑塗鴉闖出一片天。「我相信每個人都有一樣嘢係超叻，克服自己所害怕嘅事情先可以再向前走一步。」
獲fb港辦公室邀設計壁畫
Caratoes的父母都是香港人，不過她其實是「鬼妹仔」，於比利時出世及長大，於荷蘭有穩定工作。「嗰時收入唔錯，係真係唔錯，公司仲要幫我畀埋屋租。」不過，她並不安於現狀，本着「人無夢想同條鹹魚有咩分別」的理念，三年前放棄工作及朋友來到既熟悉又陌生的香港。「我相信有一樣嘢係超叻，不過唔知係乜嘢，所以要去一個陌生嘅地方，太多朋友太多嘢做發展唔到。」
就這樣，Caratoes離開她熟悉的地方，到香港冒險。一開始到埗，沒有工作及朋友，她感到不知所措，每一晚都會「靜雞雞」外出塗鴉抒發情感。於香港塗鴉約半年，Caratoes的塗鴉始獲賞識，有畫廊邀請她開畫展。之後工作不斷，連facebook香港辦公室亦邀請她設計牆上的壁畫。
