平等機會委員會（平機會）自周一嶽（廢鑊）任主席後，搞到無日安寧，就算卸任後都遺禍無窮，皆因佢在任時大搞性傾向歧視立法，令社會分化爭拗不斷。尋日又有多個團體去平機會總部踩場，抗議平機會現任主席陳章明早前話社會已有共識就性傾向歧視立法，但實情係老屈，強調社會根本未有共識立法，要求道歉及更正。陳章明就立法問題嘅說法一時一樣，歸根究柢都係因為廢鑊留下嘅地雷，搞到陳章明焗接燙手山芋，真係做又死唔做又死，兩面不是人。
