【本報訊】迷你倉生意大行其道十多年，本港一直無特定法例規管。其實，立法會議員劉皇發早於去年十一月書面詢問港府，現時有否法例規管迷你倉的設立、當局如何得知迷你倉有否存放危險或易燃品，以及一旦發生火警如何灌救。
不過，港府當時書面回覆如「百無」，指香港既無規管迷你倉特定法例、無規定設立地點，亦無迷你倉統計數字，只稱消防處曾向迷你倉營運者了解運作，用家租倉前普遍須與營運者簽訂協議書，一般有條款指明不容許存放的物品類別；至於如何救火，當局只稱消防到場後會評估風險制訂滅火策略。
港府早知迷你倉欠監管但一直懶理，直至這次牛頭角迷你倉奪命火發生，才後知後覺急急補鑊，推出三項措施，包括聯同多個部門巡查全港迷你倉有否違規、設跨部門小組研究加強迷你倉防火安全，以及聯絡業界了解營運情況，制訂中、短期措施；保安局局長黎棟國更稱，長遠不排除修改法例，以達致更佳的消防安全水準。
理大專業及持續教育學院講師陳偉強狠批冇神經政府「唔見棺材唔流眼淚」，去年立法會議員關注迷你倉監管問題，港府置若罔聞，不加強巡查、不檢討法例，「冇人死就唔解決潛在問題」。陳又稱，除了迷你倉，劏房亦面對同樣危機，港府一樣視而不見。
迷你倉大火亦揭露舊工廈消防規管寬鬆，毋須安裝灑水系統，對於大部分工廈已變用途，陳轟港府後知後覺，無適時檢討舊工廈改變用途所衍生的問題，法例沒有與時並進。
陳偉強批評官員對問題視而不見，是抱着僥倖心態，「幾年任期博冇事發生」，即使「博唔到」，發生意外，就靠事後補鑊，又毋須問責，故寧願少做少錯，未能做到先知先覺，防患未然。