班拉布議員早前喺立法會審議財政預算案提出修訂，要求削減消防處嘅開支，當中有部分係用嚟更換同購置消防車輛。喺相隔幾個月後就發生時昌迷你倉大火，場火燒咗超過一百個鐘，造成兩名消防員殉職同埋十名消防員受傷。發生呢場大火之後，先發現原來消防處嘅設備仍然落後，的確係有更換嘅需要。一向關注時事嘅導演高志森都好留意事態發展，前晚仲喺facebook發動全港市民公投，叫班拉布議員拎呢個月份糧畀消防員添！不過就有網民嫌捐一個月嘅薪酬太少，仲認為應該要捐晒四年嘅薪酬添！
