酷熱天氣警告持續多日，尋日氣溫更高達三十五度，不過我哋喺街上撞到專資會理事容海恩時，見到佢竟然着住長袖衫同埋長褲！唔好以為佢一頭清爽短髮同瘦瘦削削就唔覺得熱，其實佢都出晒汗，不過就愛靚唔愛命，怕曬黑囉！事緣佢尋日朝早同啲低收入家庭小朋友入迪士尼樂園玩，本身好容易曬出雀斑嘅佢梗係做足準備，佢話依家手腳都已經晒到輕微兩截色，所以呢日衫袖有咁長得咁長，僅餘露出嘅手背等位置都噴埋防曬噴霧嘞！
