中環出更：聲討漢奸黎 霸王主席踩上門
呢排幾乎日日都有唔同嘅團體踩上壹傳媒黎智英（漢奸黎）住所同壹傳媒大樓抗議，繼早前有自稱霸王員工同股民人士到場抗議後，霸王國際集團主席陳啟源尋日更親自率領約三十名員工，帶同寫上「打倒漢奸黎智英、還我民族企業」及「流氓媒體失信於民」等橫額到場抗議，要求討回公道。漢奸黎仇口多多，睇嚟呢啲抗議行動停不了。
高呼要「討回公道還清白」
陳啟源尋日早上十一時率領約三十名身穿黃色T恤、黑褲及戴鴨舌帽嘅員工，到將軍澳壹傳媒大樓抗議，佢哋拉起寫上「打倒漢奸黎智英 還我民族企業」、「流氓媒體失信於民」嘅橫額，陳啟源更攞住「大聲公」高喊口號，斥壹傳媒打着新聞自由為的幌子，卻誹謗民族品牌企業，令霸王集團利益蒙受損害。
抗議人士喺下晝午三時許轉往漢奸黎位於何文田嘅住所外拉起橫額，陳啟源繼續高叫「打倒漢奸黎智英，討回公道還清白」等口號，又拉起大型標語牌，促漢奸黎出嚟對話，話要同佢傾下民族大義，之後便和平散去。
卓妮