「揸住個牌冇放棄 放租畀人」
「唔少人考完個牌，都係揸住先，等冇嘢做，或退休之後有份工，有啲年紀大嘅都冇教，只係揸住個牌冇放棄。」香港商用車輛駕駛教師協會主席鄭楚光更指出，有教車師傅把師傅牌照租出，「有啲師傅成八十幾歲，已經唔會出嚟教，就將個牌租畀人，到學生考車時，運輸署職員未必會對清楚係唔係同一個師傅。」
他表示，只要擁有駕駛執照四年，便可報考私人駕駛教師牌照，「佢哋路面經驗都未必足夠。」此外，他又指運輸署對教車師傅發牌，有不足之處，以學生考獲中型貨車牌照，便可取得輕型貨車牌照為例，「但有資格教中型貨車嘅師傅，就唔可以教輕型貨車，咁係咪本末倒置？」