政情：漢奸黎鬼祟出海謀後路？
被指是煽動違法佔領行動嘅「幕後黑手」、捐款醜聞纏身的壹傳媒黎智英（漢奸黎），最近日日被團體上門示威討債；而其中一位有份收漢奸黎捐款嘅立法會議員已被廉署起訴。其實漢奸黎都自身難保，除了日日被示威者上門討債，更可能隨時「落鑊」。近期佢頻頻孖住外籍人士坐遊艇出海，前日仲出海密斟八小時，神神秘秘，莫非想避免廉政公署或強力部門偷聽佢哋嘅談話內容？宣布退休嘅漢奸黎又係咪驚「落鑊」謀定後路呢？做人做到左匿右閃，真係自作孽囉！
漢奸黎最近行為異常，聲言要「退休了」、「想回頭了」，又頻頻同外籍人士坐遊艇出海，可能一方面驚被人偷聽，亦可能練定坐艇執包袱走人都唔怕暈船浪，前晚仲同神父朋友搭飛機離港。眾所周知，壹傳媒旗下刊物摺完一份又一份，日日仇家搵上門，仇家多到唔知邊個打邊個，收過漢奸黎錢嘅仲周身蟻，如果有人忽然爆大鑊，揭露更多漢奸黎嘅衰嘢，唔排除漢奸黎淪為被告，屆時分分鐘監都有得佢坐。睇嚟漢奸黎近日行蹤鬼祟，如果唔係密謀攪局，估計都會係密謀走佬大計。
霸王股民怒斥「最無恥」
近日漢奸黎被不斷狙擊，其何文田寓所及將軍澳壹傳媒大樓幾乎日日都有「債主」臨門。尋日朝早約十點半，又有廿多名自稱是霸王小股民及睇咗漢奸黎涉及黑金報道嘅人士，手持大型橫額去到漢奸黎寓所外抗議。佢哋喺門外大叫「黎智英大漢奸」、「黎智英最無恥」、「禍港殃民、千古罪人」、「還我股民利益」等口號，又展示多張諷刺漢奸黎嘅漫畫，部分人更踐踏印有漢奸黎樣貌嘅海報，逗留約十分鐘和平散去。
不過，到下午三時許，又再有約廿人拉隊到漢奸黎寓所外抗議，仲踩爛印有漢奸黎樣貌嘅海報以示不滿。日日都有咁多示威，漢奸黎嘅左鄰右里街坊真係多得佢唔少，搞到無日安寧。
AV仁照片被掟雞蛋
其實唔止漢奸黎要作離港避風頭打算，與漢奸黎關係千絲萬縷、同樣被踢爆多次收取漢奸黎捐款嘅民主黨，該黨立法會議員何俊仁（AV仁）前日先被示威者到其律師行踩場，尋日又有團體鬧到去佢屋企。「同心護港」一行約二十人尋日就去咗AV仁位於天后廟道飛龍台寓所樓下示威，批評AV仁其身不正、搞亂香港，係「千古罪人」，又質疑佢係咪「收美國錢」協助銅鑼灣書店店長林榮基。至下午更有示威者喺AV仁寓所外對佢張相掟雞蛋，要AV仁滾出香港。