老子說：知足不辱，知止不殆。要言之，勸人要知足常樂，若然貪得無厭，就會搞到一褲都係。呢，廉政公署日前起訴梁國雄一項公職人員行為失當罪，案中關鍵人物黎智英，本身近年亦是官司及醜聞纏身。
眾所周知，淫賤黎講嘢冇句真，壹淫媒旗下刊物報紙，捏造新聞誹謗名人當食生菜。十多年前，淫賤黎已經呱呱叫「退休」，跟住又出書話《我退休失敗了》，吹噓自己如何重要，壹淫媒冇佢肯定唔掂！之不過，風水佬呃你十年八年，淫賤黎就絕對唔會呃你嘞──至奇！淫賤黎今次又撰文自爆「突然衝動對她（佢老婆）說：我要退休了……剛才滿布烏雲的天色也剛好是我的心境，那種累好像陰霾籠罩我心頭，我也要回頭了。老婆再不驚訝，我順利退休了。」
阿哥，事業就話可以放下，作孽又怎可以話放下就當冇事發生？你啲「事業」唔放都唔得喇，旗下報章雜誌不斷萎縮，裁員及「摺書」排山倒海而來，最近公布的全年業績紅過滿江紅，勁蝕三點二四億元；再加上針對佢嘅反對浪潮一發不可收拾，佢想唔再喊一次「真退休」都唔得喇！
之不過，「老婆再不驚訝」唔等於淫賤黎可以「順利退休」，眼前冇路想回頭？放下屠刀立地成佛？講啊！淫賤黎乃「佔領搞手」及「金主」，涉嫌組織及參與非法集結，還捲入四千萬元黑金醜聞案……難道淫賤黎搞到香港雞毛鴨血後，一句「老婆再不驚訝」就真的「順利退休」，當乜事都冇發生過？難道佢想學古巴革命家卡斯特羅般自辯：歷史將宣判我無罪！
一身都是孽嘅淫賤黎眼見大勢已去，不是學楚霸王自刎烏江，而是假惺惺柔情似水對住老婆喊退休，聽見都骨痹！家陣眼前冇路想回頭？以為自說自話，選擇放下，就能活在當下？可惜淫賤黎罪孽太深，只能活在困惑，恐怕又「退休」不成！