以入息中位數定出嘅貧窮線經常被彈反映唔到香港實際貧窮情況，而尋日就有機構發表同貧窮狀況有關嘅調查報告，發現香港有接近一成五嘅市民缺少兩項或以上嘅生活需要，而獨居長者嘅醫療匱乏情況最為嚴重。一班公公婆婆為香港努力咗大半世，香港連全民退保、標準工時、取消強積金對沖機制等議題都未有聲氣，而現有好多社會福利，政府都算過度過，又點改善到獨居長者生活呢？唔知勞工及福利局局長張建宗幾時先至醒吓呢？
