最近小忠正在趕一個十分重要的項目，令他在這幾個月晚晚都需要加班工作。工作壓力大，令他心情差，經常對身邊的同事發脾氣。今日，好朋友小欣相約他一起吃午飯，想了解他的情況。
小欣問：「近排做咩脾氣咁差呀？」
小忠愁眉苦臉答：「每日嘅工作都好多，好似做極都做唔完咁，覺得壓力好大，身體變差之餘，仲因為咁發同事及家人脾氣，同佢地嘅關係差咗，好唔開心同迷惘呀。」
小欣：「咁係因為工作壓力對你造成情緒困擾，當情緒困擾鬱結喺心入面，會導致身心健康受損。」
小忠問：「咁點算呀？」
小欣答：「我們一定要自覺同面對負面情緒，並透過傾訴，抒發同化解負面情緒，繼而激發正面情緒好似親情、關愛、勇氣，令自己更有力量戰勝壓力。其實每件事都可以從兩個角度去睇，好似呢杯水咁，可能你覺得只有半杯水，但我嘅角度就仲有半杯水。」
小忠恍然大悟：「你嘅意思係唔好將工作當做壓力，將佢當成一種挑戰？」
小欣開心地道：「無錯，每完成一種挑戰亦可以提升自己嘅能力同工作效率。面對壓力，第一步往往係最難，但只要肯踏出第一步，之後就愈嚟愈輕鬆。坐言起行，一步接一步，我們就能夠戰勝壓力。」
小忠：「所以，凡事只要正面面對，就可以寓工作於娛樂！我明喇！多謝你！」
小欣：「唔使客氣！大家好朋友應該互助鼓勵同幫助！不過呢餐就你請啦！」
職業安全健康局
www.oshc.org.hk