政情：公民講場：訂立樹木法 波叔拖字訣

香港嘅樹木管理不善一直遭人詬病，社會上有強烈嘅聲音要求成立樹木法，就連申訴專員公署早前公布有關事件嘅主動調查報告，都話樹木管理制度需要改善，仲話支持訂立樹木法添！但係發展局局長陳茂波（波叔）尋日喺網誌，一方面話對訂立樹木法持開放態度，但另方面就話要有相關專業嘅人才，仲話必須就立法所需的配套及影響作全面考慮，認為唔可以草率，仲話唔應該將問題過分簡單化，將「樹木法」視為「萬應靈藥」。呢幾句波叔講過Ｎ次，相信倒頭背出嚟都得，其實潛台詞咪就係「拖字訣」囉，呢三個字就係佢嘅「萬應靈藥」嘞！