我哋尋日講過，前特首曾蔭權爵士被台灣傳媒揭發，計劃同台灣嘅前總統馬英九會面，但因東窗事發，最後取消會面，但上周五已同前副總統蕭萬長見面。馬、蕭兩個辦公室都否認同曾爵士有此安排，亦冇見過面。曾爵士去台灣都搞到咁鬼祟，真係唔去好過去啦！
有台灣傳媒引述台灣陸委會指曾爵士到台灣，原定喺前日會見馬英九，更透過一位林姓企業家，代訂一家位於汐止山區知名高檔餐廳，但因消息走漏取消，而曾爵士已經喺早一日同前副總統蕭萬長見面。
馬英九辦公室前日發聲明，指並冇安排同曾爵士有關嘅任何行程；蕭萬長辦公室亦予以否認。就連前任行政長官辦公室回覆傳媒查詢時亦話，曾爵士今次台灣之行，純為私人探親，曾爵士喺台灣期間並冇接受任何官式安排，亦冇計劃同現任或前任台灣官方人士見面。