政情：眾志抄橋 改圖借hehe炒作
上月工聯會立法會議員王國興同郭偉強嘅一張侍產假海報，被網民瘋狂轉載同嘲笑hehe。不過「橋唔怕舊，最緊要受」，香港眾志副主席黎汶洛尋日喺facebook上載同主席羅冠聰疑似「hehe」嘅相片，一睇就知係改自王、郭二人嘅hehe圖。
向鍾樹根下戰書
二人嘅hehe改圖同樣都係爭取男士七天侍產假，除咗換上黎汶洛同羅冠聰嘅頭像，仲將「工聯會」同「向全薪七天邁進」改埋，換成「香港眾志」同「真．向全薪七天邁進」。
另外，黎汶洛仲向早前曾二次創作「寸爆」佢哋用支票款嘅民建聯立法會議員鍾樹根下戰書，要求佢同疑似有黨內矛盾嘅黨友張國鈞製作hehe圖，仲要求佢支持全薪侍產假，同埋呼籲佢唔好學王國興佢哋咁，只「得個講字」。