政情：親睹遭獵殺象屍EQ落淚
立法會議員葛珮帆（EQ）一向熱愛動物，仲喺象牙保育問題上出咗唔少力。以往EQ都會跟保育組織外遊睇野生動物，返港後仲會搞攝影展。上年暑假佢哋就去咗非洲肯亞同坦桑尼亞，本月中會聯同幾位攝影師一齊搞相展。EQ透露，依次旅程最難忘係第一次親眼睇到大象屍體，由於屍體已腐爛，所以EQ嘅隨行衣物都沾上咗屍臭味，返港後都洗唔甩陣味，足足搞咗幾星期，對鞋仲要掉埋。
心痛之餘感震撼
EQ話要轉三程飛機先可以去屍體現場，而且帶佢哋去睇象屍係當地嘅巡邏員。個巡邏員仲因為揭露有大象被殺，所以成為咗尋仇對象。當見到象屍一刻，EQ仲忍唔住喊出嚟，覺得心痛之餘仲好震撼，最後佢哋一行人留咗個幾兩個鐘，喺象屍身上搵到四十九粒子彈。由於當地天氣熱辣辣，再加埋屍體腐爛，所以搞到滿身屍臭味。