政情：公民講場：話豪宅有垃圾站 蔣麗芸惹圍插

政府擬於油麻地巧翔街重置上海街垃圾收集站，但會喺垃圾站上面興建一個容納七十人嘅露宿者服務單位，結果被批評係「賤視窮人」，而項目亦於本年初被立法會工務小組否決。呢個項目尋日再上工務小組討論，支持通過項目嘅議員蔣麗芸（Ann）就話「過千萬豪宅，垃圾站都係喺樓下」，批評泛民拖延項目。阿Ann言論一出，即被泛民接連批評，議員陳偉業就鬧佢「無賴」，又話︰「你民建聯唔搬去同垃圾站一齊？垃圾議員就係垃圾議員！」雖然阿Ann講嘅嘢都唔錯得晒，但有啲說話唔講出口始終會好啲嘅。