政情：公民講場：郭紹傑罷工 市民安危話之你

泳灘救生員搞罷工，三個泳灘要暫停救生服務，搞到唔少市民端午節無得游龍舟水，認真掃興！港九拯溺員工會發言人郭紹傑就話，政府多年來漠視救生員人手不足，令到前線員工工作壓力大增。佢又形容，今次罷工只係「警示性」行動，如果得唔到康文署合理答覆，月底或再發動大罷工。前年喺佔領行動期間擔當糾察長嘅郭紹傑，仆心仆命貼身保護喺佔領區打躉嘅壹傳媒前主席黎智英（肥佬黎），但今次罷工就明顯用市民生命做談判籌碼，實在令人髮指，唔通市民條命賤過肥佬黎？相信罷工好難得到市民認同囉！