安兒是一名建築公司新入職文員，工作繁重。隨着科技的發展，安兒跟大部分辦公室的員工一樣，日常工作需要長時間操作電腦。今天她如常工作，當她站起身準備收工時，覺得渾身不舒服。恰好安全部健姐經過，目睹當時的狀況。
安兒面露痛楚︰「哎，好痛呀！」
健姐急問︰「發生咩事呀安兒？ 」
安兒說︰「唔知咩原因，腰同隻腳好繃緊，似打咗石膏咁。」
健姐問︰「哦！係咪因為你坐得太耐，坐姿又不正確，導致下肢繃緊呀？」
安兒答︰「可能係，由午飯到依家，我喺自己位無郁過！」
健姐說︰「大部分文職工作者都需要長時間坐喺度用電腦，每天八小時甚至更長時間久坐不動嘅工作，容易造成靜脈回流受阻，導致下肢血液循環不良。」
安兒不安地道︰「吓，咁點算呀！」
健姐解釋說︰「多做伸展，良好坐姿，減少坐嘅時間係治本嘅方法。長時間坐喺度工作或缺乏運動，應多做靜態伸展操，以紓緩肌肉和筋骨疲勞，簡單嘅伸展運動，可以放鬆緊張嘅肌肉，改善關節活動，更能減少患上肌肉痛症風險。伸展時肌肉會感到輕微拉扯，嘗試維持10至30秒，過程中，應保持呼吸暢順。此外，隔一段時間起身行下；用較遠嘅洗手間；身體狀況如許可嘅話，多行樓梯；不時轉換工作姿勢，唔好長時間維持固定一個姿勢太耐，以免增加血液循環不良導致肌肉緊繃。」
安兒如釋重負說︰「明白晒，以後仲有好多職安健問題要請教你！」
職業安全健康局 www.oshc.org.hk