中環出更：拉布遺禍 嫻姐失魂投錯票

立法會財政預算案「拉布」遺禍蔓延至尋日審議嘅《物業管理服務條例草案》！工聯會議員陳婉嫻尋日就該條例草案修正案投票時，原本想投贊成票支持，但就投咗反對票。原本投錯票無人知，但嫻姐就即刻喺會上「自首」兼致歉︰「唔好意思，我按錯掣，我支持條款」，仲擺出一副失魂大懵樣。嫻姐之後解釋，佢當時忙緊處理公務，可能因為之前就預算案修正案投票時，為免投錯票支持泛民嘅修正案，所以封咗贊成粒按鈕，搞到佢「慣咗手勢」投錯票喎。投錯票已經慘豬豬，議員單仲偕仲要笑嫻姐做「陳婉雲」，意指嫻姐「一舊雲」，認真（火羅）爆！