明哥是一名職業小巴司機，每天晚上他都會準備明早上班需要的物品，兒子小倫好奇地問：「爸爸，你個背包入面裝咗咩呀？」明哥說：「有水壺同埋餅乾小食囉。因為我們職業司機成日都食無定時，所以要帶備餅乾小食去充飢。」
小倫再問︰「爸爸長時間坐住開工，又要手腳並用咁去控制架車，咁會否引起咩職業病？」
明哥指出：「職業司機長時間坐喺度工作，食無定時，又要手腳並用咁去控制架車，好容易引致胃病、泌尿道疾病、筋骨勞損等健康問題。」
小倫驚訝地問：「咁點先可以避免問題出現？」
明哥笑說︰「只要喺生活及工作上養成良好的習慣就得喇。生活習慣方面，要保持定時及均衡飲食、充足睡眠，以及避免飲酒，保持胃部健康。身體狀態好，發生意外嘅機會都會減低！工作習慣方面，記得適量補充水分，留意公共洗手間的位置，有需要時去洗手間方便一下，保持泌尿系統健康。揸車時要保持正確嘅駕駛姿勢，安排間歇性小休及多做伸展運動，可減少因駕駛引致的筋骨勞損。駕駛時要保持安全嘅駕駛態度，遵守交通規則，並且時刻留意路面情況。最重要是不可酒後駕車，如職業司機服藥後，一定要依醫生指示，要確定唔會受藥物影響後方可駕駛呀！」
小倫安心地說：「原來職業司機要注意的事項真係非常多，除咗安全駕駛，仲要謹記保持身體狀況良好！等我呢個孝順仔買健康小食畀你帶返工食先。」
職業安全健康局
www.oshc.org.hk