政情：公民講場：李梓敬指張超雄奸計護假難民

南亞假難民濫用酷刑等免遣返聲請拖延留港，犯案纍纍成為本港治安毒瘤，雖然「無知無覺」嘅政府開始正視問題，但仍然係歎慢板。立法會保安事務委員會喺下月七日嘅會議，其中一節係假難民公聽會，讓不同團體或人士表達意見。一直關注假難民問題嘅深水埗區議員李梓敬，尋日就喺社交網站留言話聽聞工黨立法會議員張超雄安排咗好多自己人報名出席公聽會，試圖喺會上發言扭曲民意，包庇假難民。李梓敬聲言唔可以讓奸計得逞，呼籲大家喺本月三十日或之前踴躍報名出席公聽會，齊齊發聲踢走假難民。