政情：公民講場：蔡堅嬲到辭職 「始」料不及

香港醫務委員會初級偵訊委員主席蔡堅，前日以不滿醫務委員會改革將增加四名業外委員，以及無可能做到縮減調查及研訊時間為由，宣布辭任主席一職。蔡堅呢頭辭職，食物及衞生局副局長陳肇始同醫委會主席劉允怡尋日就分別評論辭職一事，仲不約而同反駁蔡堅添！陳肇始話，增加業外委員係為咗提高醫委會透明度及問責制，可以加快處理投訴；而劉允怡亦對蔡堅辭職表示唔明白，認為醫委會改革可以減輕佢工作量。聽佢哋嘅語氣，好似老闆建議增加人手，但作為員工嘅蔡堅唔領情要辭職，咁蔡堅咪要講聲多謝？